TikTok platformasında "Hüquq mərkəzi" adı altında səhifələr yaradılaraq canlı yayımlar vasitəsilə izləyici toplamaq və bu yolla vətəndaşların etibarından sui-istifadə edilməsi hallarına rast gəlinir.

İksmedia Milli.Az-a istinadən xəbər verir ki, vətəndaşların müraciətləri əsasında Yasamal Rayon Polis İdarəsində aparılan istintaq tədbirləri nəticəsində özünü sosial mediada hüquqşünas kimi təqdim edən Səbiyyə Panəliyeva 145 zərərçəkmiş şəxsin ümumilikdə 449 916 manat pulunu dələduzluq yolu ilə ələ keçirməsi faktı üzrə Cinayət Məcəlləsinin müvafiq maddəsi ilə təqsirləndirilən şəxs qismində cəlb edilib, barəsində həbs qətimkan tədbiri seçilib.

İstintaq zamanı görülən tədbirlərlə vurulan maddi ziyanın 381 529 manat hissəsinin ödənilməsi təmin olunub, hazırda cinayət işinin ibtidai istintaqı davam etdirilir.

S.Panəliyevanın qanunsuz əməllərindən zərərçəkən digər şəxslər də aidiyyəti üzrə istintaqa müraciət edə bilərlər.

Tanınmış stomatoloq Şamil Rzayev həyat yoldaşı, bloger Fidan Zeynlə ayrılması barədə ilk dəfə ətraflı danışıb.

İksmedia Milli.Az-a istinadən xəbər verir ki, həkim bildirib ki, ailəsinin dağılmaması üçün son ana qədər mübarizə aparıb. Onun sözlərinə görə, boşanma prosesinin qarşısını almaq ümidi ilə heç bir məhkəmə iclasında iştirak etməyib və ayrılığın baş tutmayacağına inanıb.

Şamil Rzayev ailə həyatı, yaşanan gərginliklər və boşanma qərarının arxa planı ilə bağlı bir sıra maraqlı etiraflar da edib. O, şəxsi həyatında baş verənlərin həm insan, həm də ailə başçısı kimi ona ciddi təsir göstərdiyini vurğulayıb. Sözügedən boşanma hadisəsi sosial şəbəkələrdə geniş müzakirələr doğurub.

İsrail Baş naziri Benyamin Netanyahu telefonunun kamerasını lentlə bağlayır.

"İksmedia" Milli.az-a istinadən xəbər verir ki, bu barədə soaial şəbəkələrdə foto yayılıb.

Məlumata görə, bu, həssas vəziyyətlərdə casusluq və ya səsyazmanın qarşısını almaq üçün təhlükəsizlik tədbiri kimi edilir.