15 iyul tarixində Prezident İlham Əliyevin iştirak etdiyi müşavirə keçirildi.Müşavirədə İ.Əliyev öz nitqi ilə diqqət çəkdi.Ümumilikdə müşavirə son 6 ayın yekunlarına həsr olunmuşdu və qarşida olan məqsədlərimiz də müzakirə olundu.Ümumiyyətlə Azərbaycanın son 6 ayda həm daxili siyasəti həm də xarici siyaseti uğurlu inkişaf etməkdə idi.Azərbaycan 2022-ci ilin ilk aylarından bir sıra uğurlu layihələrə imza atmışdı.İlham Əliyev də nitqində bunlara geniş yer verdi.
Nəticələr arasında, əlbəttə ki, Qoşulmama Hərəkatındakı uğurlu sədrliyimizi qeyd etmək lazımdır. Bizim sədrliyimiz bildiyiniz kimi, 2023-cü ilə qədər yekdil fikirlə bir il uzadılıb. Bu, onu göstərir ki, ölkəmiz 120 ölkə arasında çox böyük nüfuz qazanmışdır və bizə olan inam bu illər ərzində daha da artmışdır. Biz də məsuliyyətli ölkə olaraq və Qoşulmama Hərəkatının fəal sədri olaraq bu təsisatın institusional inkişafına da böyük töhfə vermişik. Önəmli addımlardan biri bu il Bakıda keçirilmiş Qoşulmama Hərəkatının Parlament Şəbəkəsinin toplantısı idi və Parlament Şəbəkəsinin yaradılması idi. Bakıda keçirilmiş bu önəmli tədbir bir daha göstərdi ki, bu Hərəkatın çox böyük potensialı var, həmrəyliyi dərinləşdirmək, əməkdaşlığı genişləndirmək və qarşılıqlı beynəlxalq dəstək üçün bu, çox önəmli platformadır.
beynəlxalq təşkilatlarla da fəal əməkdaşlıq aparılmışdır. Bu yaxınlarda İslam Əməkdaşlıq Təşkilatının yeni Baş katibi Azərbaycana səfər etmişdir. Biz bu təşkilatla çox fəal əməkdaşlıq edirik. Əslində, biz bu təşkilatın çox fəal üzvüyük və bizim təşəbbüsümüzlə Azərbaycanda bir çox tədbirlər keçirilmişdir. Bu dəfə isə yeni seçilmiş Baş katib, eyni zamanda, azad edilmiş torpaqlara səfər edib - Füzuliyə, Şuşaya. Əlbəttə ki, biz görüş zamanı Ermənistanın Azərbaycana qarşı, bizim mədəni irsimizə qarşı törətdiyi vandalizm haqqında danışmışıq. Bu gün azad edilmiş torpaqlara səfər edən hər bir insan, - istər Azərbaycan vətəndaşı olsun, istər xarici vətəndaş olsun, - erməni vəhşiliyinin təzahürlərini öz gözü ilə görür. Biz İslam Əməkdaşlıq Təşkilatı çərçivəsində öz fəaliyyətimizi bundan sonra da uğurla davam etdirəcəyik.

Bu il Avropa İttifaqı ilə fəal əməkdaşlıq aparılmışdır. Bildiyiniz kimi, biz yeni saziş üzərində işləyirik. Sazişin böyük hissəsi razılaşdırılıb və razılaşdırılmamış məsələlər də müzakirə olunur. Ümid edirəm ki, yaxın gələcəkdə bütün məsələlər razılaşdırılacaq. Avropa İttifaqı Şurasının Prezidenti ilə mənim bir neçə görüşüm olub, həm də telefon danışıqlarımız olub və əlbəttə ki, əsas mövzu Azərbaycan-Ermənistan münasibətlərinin normallaşmasıdır. Ancaq, eyni zamanda, Avropa İttifaqı-Azərbaycan əlaqələrinin gələcək inkişafı ilə bağlı geniş müzakirələr aparılır. Yaxın günlərdə Avropa İttifaqı ilə Azərbaycan arasında önəmli sənəd - enerji təhlükəsizliyi ilə bağlı sənəd imzalanacaq və bizim əməkdaşlığımızı daha yüksək səviyyəyə qaldıracaqdır.
Hemçinin bu il işğaldan azad edilmiş rayonlarda da bir sıra işlər aparıldı.Yeni yollar salındı.”Ağıllı kənd”layihəsi uğurlu layihələrimizdən biri oldu.
Həmçinin Silahlı Qüvvələr günündə İlham Əliyevin Kəlbəcər rayonuna səfəri çərçivəsində komando hərbi hissəsinə döyüş bayrağı verildi və bu münasibətlə təbtənəli mərasim keçirildi.
İnanırıq ki, Prezidentimizin uzaqgörən və ağıllı siasəti nəticəsində 2022-ci ilin sonunda daha böyük uğurlara imza atarıq.

Elanora Babayeva,

Masallı şəhər 2 nömrəli orta məktəbin tarix müəllimi

15 iyun 2021-ci il tarixində Azərbaycan Prezidenti İlham Əliyev və Türkiyə
Prezidenti Rəcəb Tayyib Ərdoğan, Şuşada müttəfiq münasibətlərə dair ortaq
Bəyannamə imzaladılar. Xatırladaq ki, “Azərbaycan Respublikası ilə Türkiyə
Respublikası arasında müttəfiqlik münasibətləri haqqında Şuşa Bəyannaməsi”ndə
siyasi, iqtisadi, ticari əlaqələr, mədəniyyət, təhsil, idman, enerji təhlükəsizliyi, Cənub
Qaz Dəhlizi, müdafiə sənayesindəki əməkdaşlıq, hərbi əməkdaşlıq və qarşılıqlı hərbi
yardım, Zəngəzur dəhlizi və s. mühüm məsələlər öz əksini tapıb.
Azərbaycan tarixşunaslığında Bəyannamə tarixi və siyasi əhəmiyyətə malik
müttəfiqlik haqqında hüquqi sənəddir: “Bu Bəyannamənin imzalanması Azərbaycan
–Türkiyə münasibətlərini yeni müstəviyə çıxarır. Bəyannamədə ölkələrimiz arası
əməkdaşlığın çoxşaxəliliyi əsas yer tutur. Burada hər iki ölkənin müdafiə sənayesi, milli
təhlükəsizlik məsələləri, iqtisadi, siyasi, mədəni, humanitar, səhiyyə, təhsil, sosial,
gənclər və idman sahələrindəki imkan və potesialların birləşdirilməsi nəzərdə tutulur.
İmzalanmış sazişə əsasən Azərbaycanın Silahlı Qüvvələri təkmilləşdirilərək Türkiyə
təcrübəsi səviyyəsinə gətiriləcək. Ordumuz birgə təlimlərdə iştirak edərək
modernləşdiriləcək və döyüş qabiliyyəti daha da artırılacaqdır”Şuşa Bəyannaməsində
tarixi Qars müqaviləsinin analoqu olduğu qeyd olunur və Azərbaycanın ərazi
bütövlüyünü xarici təsirlərdən birgə müdafiə edilməsinə hüququ baza yaradır: “Məhz
imzalanmış Şuşa Bəyannaməsi ölkələrimizi məğlubedilməz və sarsılmaz gücə
çevirəcək. Artıq dünya da görəcək ki, Türkiyə və Azərbaycan tək deyillər. Ümummilli
Lider Heydər Əliyevin “Bir millət iki dövlət” kəlamı imzalanmış Şuşa Bəyannaməsi ilə
real həyatda öz əksini tapdığını bir daha sübut etdi”.
44 günlük Vətən müharibəsində qazandığımız şanlı Zəfərimizlə ölkəmiz ərazi
bütövlüyünü təmin etməklə yanaşı, həm də regionda yeni reallıq yaratdı: “Bu yeni
reallıq regionda sülhün və əməkdaşlığın dərinləşdirilməsinə şərait yaratdı. Qafqaz
regionu iki qardaş ölkənin Prezidentlərinin təklif etdiyi altılıq platformada əməkdaşlıq
edərək inkişaf etmək imkanlarını əldə etmişdir. Kommunikasiyaların açılması, Zəngəzur
dəhlizinin istifadəyə verilməsi Qafqaz regionun dünya üçün əhəmiyyətini artırır.
Azərbaycan və Türkiyə Prezidentlərinin imzaladığı Şuşa Bəyannaməsi bu əməkdaşlıq
imkanlarının realizə olunmasına yol açır”.
Son olaraq onu da göstərmək lazımdır ki,Şuşa Bəyannaməsi ölkəmizin artan
sürətlə inkişaf etdiyini,həmcinin ölkəmizin qüdrətini göstərən bir sənəddir.

Fazil Şəvəqqətov

Masallı Rayon Mololon Kənd Ümumi Orta məktəbinin Tarix və Coğrafiya müəllimi

2 iyun 2022-ci ildə Azərbaycanın Almaniyadakı səfirliyi tərəfindən 28 may – Müstəqillik Gününə həsr olunmuş konsert keçirilib və ziyafət təşkil olunub. Tədbir Berlində yeni istifadəyə verilmiş Azərbaycan Respublikasının Almaniyadakı Səfirliyinin tabeliyindəki Mədəniyyət Mərkəzində baş tutub.
Tədbiri giriş sözü ilə açan Azərbaycanın Almaniyada fövqəladə və səlahiyyətli səfiri Ramin Həsənov Müstəqillik Gününün Azərbaycan xalqı tərəfindən 104 il əvvəl müstəqil demokratik respublikanın yaradılması ilə bağlı olduğunu dilə gətirib. Bildirib ki, bu tarix hər bir azərbaycanlı üçün qürur mənbəyidir. Səfir Azərbaycan Demokratik Respublikasının cəmi 2 il fəaliyyət göstərməsinə baxmayaraq bir çox nailiyyətlərə imza atdığını, o cümlədən hələ 1918-ci ildə parlamentarizmi tətbiq etdiyini, qadınlar və milli azlıqlar üçün seçki və digər hüquqları tanıdığını vurğulayıb. Həsənov həmçinin, 1991-ci ildə Azərbaycan xalqının öz müstəqilliyini bərpa etdiyini, Ümummilli Lider Heydər Əliyevin rəhbərliyi ilə yeni inkişaf yoluna qədəm qoyduğunu qeyd edib. Əlavə edib ki, məhz bu dövrdə Azərbaycanın milli dövlət quruculuğuna və cəmiyyətin bütün sahələrini əhatə edən islahatlara başlanılıb və müasir inkişaf strategiyası müəyyən edilib. Səfir bildirib ki, sözügedən uzaqgörən siyasət nəticəsində 30 ilə yaxın işğal altında olan torpaqlarımız azad edilərək ölkəmizin ərazi bütövlüyü bərpa olunub.
Səfir Həsənov cari ildə qeyd olunan Müstəqillik Gününün daha bir mühüm hadisə ilə əlamətdar olduğunu diqqətə çatdırıb. O, sözügedən tədbirin keçirilməsi ilə Azərbaycan Respublikasının Almaniyadakı Səfirliyinin tabeliyindəki Mədəniyyət Mərkəzinin qapılarının ictimaiyyətin üzünə açıldığını vurğulayıb. Səfir mərkəzin Azərbaycan mədəniyyətinin ölkə daxilində və xaricində fədakar təbliğatçısı, Birinci vitse-prezident Mehriban Əliyevanın təşəbbüsü əsasında və Prezident İlham Əliyevin sərəncamı ilə 2019-cu ildə təsis edildiyini bildirib. Azərbaycan səfiri mərkəzin tikintisində əməyi keçən bütün şəxslərə, o cümlədən binanın memarları Nəriman İmaməliyev və Klaus Noymana öz dərin təşəkkürünü bildirib, Azərbaycan Mədəniyyət Mərkəzinin binasının Berlin şəhərinin arxitekturasına əlavə rəng qatdığını qeyd edib. O, sözügedən mərkəzin yaradılmasının zəngin Azərbaycan mədəniyyətinin Almaniyada təbliğinə və ölkələrimiz arasında mədəniyyət əlaqələrinin inkişafına ölkəmizin rəhbərliyi tərəfindən verilən çox mühüm töhfə olduğunu vurğulayıb.
Azərbaycanın Almaniyada fövqəladə və səlahiyyətli səfiri Ramin Həsənov Azərbaycan Respublikasının Almaniyadakı Səfirliyinin tabeliyindəki Mədəniyyət Mərkəzinin fəaliyyətə başlamasının Şuşa İlinə təsadüf etməsinin də xüsusi əlamətdar hal olduğunu diqqətə çatdırıb. Bildirib ki, Müstəqillik Gününə həsr olunmuş konsertdə çıxış edən Azərbaycanın xalq artisti, dirijor Yalçın Adıgözəlov da Azərbaycanın Mədəniyyət Paytaxtı – Şuşa şəhərindən olan qədim müsiqiçi ailəsinin 3-cü nəslini təmsil edir. Səfir Ramin Həsənov Mədəniyyət Mərkəzinin Şuşa İli ərzində bir çox maraqlı mədəni tədbirlərə ev sahibliyi edəcəyini diqqətə çatdırıb.
Azərbaycan səfiri çıxışında həmçinin, Azərbaycan və Almaniya arasında bütün sahələrdə inkişaf edən əməkdaşlıqdan bəhs edib. Ölkələrimiz arasında ən yüksək səviyyədə qarşılıqlı etimada əsaslanan siyasi dialoq olduğunu diqqətə çatdırıb. Cari ilin mart ayında Azərbaycanın xarici işlər və energetika nazirlərinin Almaniyaya işgüzar səfər etdiklərini, habelə belə səfərlərin yaxın gələcəkdə davam etdirilməsinə hər iki tərəfdə böyük marağın olduğunu dilə gətirib. Səfir Azərbaycanın Almaniya və Avropa İttifaqı üçün etibarlı tərəfdaş olduğunu və Avropanın enerji təchizatının şaxələndirilməsində mühüm rol oynadığını qeyd edib. Həsənov çıxışında post-münaqişə dövründə siyasətimiz və yanaşmalarımız barədə məlumat verib. Azərbaycan tərəfinin regionda sülhün bərqərar olması naminə sülh təşəbbüsü ilə çıxış etdiyini, habelə qarşı tərəfə ərazi bütövlüyü və suverenliyin, eləcə də sərhədlərin toxunulmazlığının qarşılıqlı tanınması əsasında sülh müqaviləsi bağlamağı təklif etdiyini dilə gətirib.
Tədbirdə çıxış edən Almaniya Xarici İşlər Nazirliyinin Şərqi Avropa, Qafqaz və Mərkəzi Asiya üzrə müvəkkili Mattias Lüttenberq AFR hökuməti adından Azərbaycan Respublikasının Müstəqillik Günü münasibətilə təbrik nitqi səsləndirib və çıxışında Azərbaycan-Almaniya münasibətlərinə nəzər salıb.
Tədbirin rəsmi hissəsinin başa çatmasından sonra Azərbaycanın xalq artisti, dirijor Yalçın Adıgözəlovun rəhbərliyi altında kamera orkestrinin ifasında Üzeyir Hacıbəyli, Qara Qarayev, Fikrət Əmirov, Asəf Zeynallı, Vasif Adıgözəlov, Məmməd Quiyev və digər azərbaycanlı bəstəkarların, eləcə də alman klassiklərinin əsərləri səsləndirilib. Azərbaycanlı musiqiçilər Sahib Paşazadə (tar) və Orxan Cəlilov (tenor) konsertin solistləri qismində çıxış ediblər.
Konsertdən sonra 28 may – Müstəqillik Günü münasibətilə təşkil olunmuş ziyafət zamanı iştirakçılara Azərbaycanın mədəniyyətini, mətbəxini, turizm potensialını, ölkəmizdə sərmayə imkanlarını təbliğ və təşviq edən çoxsaylı kliplər nümayiş etdirilib.
Tədbirdə Bundestaq deputatları, Almaniyanın dövlət qurumlarının, ictimai-siyasi, elmi, mədəni dairələrinin, Almaniyada akkreditə olunmuş diplomatik korpusun nümayəndələri və Almaniyadakı Azərbaycan diasporunun təmsilçiləri iştirak ediblər.

Tədbirdən şəkilləri təqdim edirik:

May ayının 31-də Azərbaycan Respublikasının 28 may – Müstəqillik Günü və Azərbaycanla İsveçrə arasında diplomatik əlaqələrinin qurulmasının 30-cu ildönümünə həsr olunmuş rəsmi tədbir İsveçrənin aparıcı və nüfuzlu “Neuer Schweizer Zeitung” internet saytında işıqlandırılmışdır.

Məqalədə iki ölkə arasında əlaqələrin inkişafı və respublikamızın müstəqillik tarixi barədə faktlar öz əksini tapıb. Səfir Fuad İsgəndərovun sözlərinə görə, yeni qlobal çağırışlara cavab vermək üçün kiçik, lakin mühüm ölkələr bir-birinə yaxın olmalıdır.

“Bern şəhərinin meri H. E. Alek fon Qraffenried və mən Azərbaycanın Müstəqillik Günü və Azərbaycan-İsveçrə diplomatik münasibətlərinin qurulmasının 30 illiyinə həsr olunmuş tədbirdəki çıxışlarımızda bu barədə razılığa gəldik”, deyə səfir bildirib. F.İsgəndərov qeyd edib ki, tədbir çərçivəsində dünya şöhrətli azərbaycanlı muğam ustası Mənsum İbrahimovun rəhbərlik etdiyi Qarabağ muğam qrupu və skripka ifaçısı Ceyla Seyidovanın iştirak etdiyi konsert proqramı keçirilib.

 Səfirin sözlərinə görə "Konsert proqramında dünya siyasətində daha bir tendensiya nümayiş etdirildi: mədəniyyət insanları birləşdirir, onların ruhunu bir-birinə daha da yaxınlaşdırır". Azərbaycandan dəvət edilmiş incəsənət ustaları bu hipotezi öz çıxışları ilə bir daha təsdiqləyiblər.

Qeyd edək ki, Azərbaycan və İsveçrə müxtəlif iqtisadi sahələrdə əməkdaşlıq edir. İki ölkə arasında diplomatik əlaqələr 1992-ci il yanvarın 21-də qurulub. Təsadüfi deyil ki, Bakı ilə Bern arasında qeyri-neft sektorunda qarşılıqlı faydalı əməkdaşlıq mövcuddur. Bundan əlavə, bu il Bakıda İsveçrə ilə Azərbaycan arasında ticarət-iqtisadi əlaqələr komissiyasının iclası keçiriləcək. 2021-ci ildə iki ölkə arasında ticarət dövriyyəsi 457,2 milyon dollar, ixrac 272,5 milyon dollar, idxal isə 184,7 milyon dollar təşkil edib.

Material ilə aşağıda qeyd olunan linkdə tanış olmaq mümkündür: https://www.neueschweizerzeitung.ch/die-schweiz-feiert-den-unabhaengigkeitstag-aserbaidschans-photo/.